Асноўнай мэтай Цэнтра з’яўляецца правядзенне навуковых даследаванняў у галінах мастацтвазнаўства, этнаграфіі, этналогіі, фалькларыстыкі, мовы і літаратуры.

К і р у н к і   д з е й н а с ц і:  
► Вывучэнне этнакультурных працэсаў на тэрыторыі Беларусі; міжэтнічных сувязей беларусаў, рускіх, украінцаў і іншых народаў у сферы матэрыяльнай і духоўнай культуры.
► Распрацоўка праблем гісторыі і тэорыі беларускага мастацтва, антрапалогіі культуры.
► Вывучэнне сістэмы беларускай мовы на розных этапах яе развіцця.
► Правядзенне сацыялінгвістычных, супастаўляльных і параўнальна-тыпалагічных даследаванняў.
► Падрыхтоўка слоўнікаў беларускай мовы, у тым ліку перакладных беларуска-іншаславянскіх і іншаславянска-беларускіх.
► Выяўленне і аналіз асноўных тэндэнцый і заканамернасцей гістарычнага і сучаснага літаратурнага працэсу.
► Вывучэнне праблем гісторыі літаратуры і літаратурных сувязей у славянскім свеце і за яго межамі.
► Даследаванне літаратурнай спадчыны Беларусі, у тым ліку падрыхтоўка акадэмічных выданняў збораў твораў класікаў беларускай літаратуры, літаратурных помнікаў.

Цэнтр з’яўляецца дзяржаўнай юрыдычнай асобай, знаходзіцца ў падпарадкаванні Нацыянальнай акадэміі навук Беларусі, у складзе Аддзялення гуманітарных навук і мастацтваў.

Колькасць супрацоўнікаў Цэнтра (на 01.05.2015 г.) складала 203 чал., у тым ліку 2 акадэміка, 5 членаў-карэспандэнтаў, 27 дактароў навук, 89 кандыдатаў навук. У Цэнтры праходзяць падрыхтоўку 4 дактаранты, 43 аспіранты, 5 саіскальнікаў навуковых ступеняў вышэйшай кваліфікацыі.

КЛЮЧАВЫЯ СЛОВЫ I ВЫРАЖЭННI: Інстытут мовазнаўства імя Якуба Коласа Iнстытут лiтаратуры iмя Янкi Купалы Iнстытут мовы i лiтаратуры iмя Якуба Коласа i Янкi Купалы Iнстытут мастацтвазнаўства, этнаграфіі і фальклору імя Кандрата Крапівы